الفنانة الشابة رندا مصباح يعني شنو لو باستو ، أنا ذاتي بحب فنان لوشفتو حا أبوسو قدام الناس!!

السودانية الفنانة السودانية الشابة رندا مصباح تشن هجوماً عنيفاً على منتقدي تقبيل مُعجبة للفنان حسين الصادق على المسرح !
على صفحتها بموقع التواصل الإجتماعي فيسبوك وبحسب رصد موقع ( سوداناس ) الإلكتروني شنت الفنانة السودانية الشابة رندا مصباح هجوماً لاذعاً على منتقدي الفتاة التي قامت بتقبيل الفنان حسين الصادق على المسرح ، وتساءلت في إستنكار ( منو فيكم اللي ماباس ليهو بنت لو بالسر او علانيه ؟ وأردفت قائلة ( زولا عبرت عن احساسها وما افتكر البوسه دي تستحق كل الهجوم ده ) ، وكتبت رندا تحت عنوان ( سبحان الله في خلقو معقوله بس ) قائلة :

السودان ده اول مره تحصل فيهو حاجه زي دي يعني ولي الشباب ماعايش حياته والناس الكبااااااااار كمان ، الفيس كله بيتكلم في قصة البنت اللي باست حسين الصادق ، شنو الجديد يعني؟ ولي زي ماقالو الناس دي عادات دخيله علينا؟طيب وروني اذا اي شئ دخيل عليكم حقكم انتو وينو وشنو؟ ماتبوسو كان باستو انتو مالكم ومالا؟

وأضافت : زولا عبرت عن احساسها وماافتكر البوسه دي تستحق كل الهجوم ده ، منو فيكم اللي ماباس ليهو بنت لو بالسر او علانيه ؟ خلاص عاملين شيووخ يعني وماسكين الدين بالصاح ؟ بتستنكرو البوسه علي الملا وقدام الناس ومابتستنكرو الافعال الشنيعه اللي بتحصل ومطلعه عين الناس؟

وختمت قائلة : نصيحه للبنت اللي ادتو بوسه دي ، عبري عن مشاعرك بالطريقه اللي بتشوفيها انتي مااللي بيشوفوها الناس، انا زاتي عندي فنان بحبه جدا ولو شفته في مسرح حأبوسو قدام الناس واسمه مايكل بوبليه ايرلندي ( على حد قولها ) . فيما علق أحدهم عليها متسائلاً ( انا أحد معجبيك هل تسمحي لي أن أعبر عن مشاعري بنفس الطريقة ؟ ) .

وكان ( موقع النيلين ) قد نشر مقطع فيديو متداولاً بمواقع التواصل يظهر فتاة تعتلى خشبة المسرح وتقبل الفنان السوداني الشاب حسين الصادق خلال تقديمه لوصلة غنائية في إحدى حفلات العاصمة السودانية الخرطوم .


سوداناس