عابدين درمة أشهر حفاري القبور يكتب عن فساد بالمقابر !!

الخرطوم ـ السودانية على صفحته بموقع التواصل الإجتماعي فيسبوك كتب عابدين درمة أشهر حفاري القبور في السودان عن ما أسماه فساد في المقابر متحدثاً عن أحد عمال المقابر الذي ضُبط وهو يقوم بإيجار الدرداقه الخاصة بالمقابر لصاحب مشتل مجاور ، وطلب من أصدقائه بموقع التواصل المساهمة بآرائهم في الحكم المناسب في إيحاء لحكم مماثل للمتحللين في قضية فساد موظفي مكتب والي الخرطوم ، فكتب قائلاً :

فساد في المقابر
تتخيلو ياجماعة قبضت واحد من العمال البحفرو لينا القبور قاعد يأجر الدرداقة بتاعت المقابر لي بتاع المشتل . عملت ليهو مجلس تحقيق برئاسة عمنا فؤاد قال لينا أنا ماقاعد اشيل قروش بس بدوني كباية عصير . عندنا جلسة بكره الصباح للحكم النهائي ساعدونا ياجماعة نحكم عليهو بي شنو . ( على حد قوله )

وتباينت الآراء مابين الحكم عليه بالحبس الانفرادي بود اللحد أو أن يتحلل من العصير الشربو باستفراغ جزء من العصير واقترح آخر بالحكم عليهو بقانون الخضر المادة الاولي الدغمسه الفقرة (ب) التحلل .. أما محمد كمال رأى أن :

السوابق بتقول انوا يستقيل
وتقبلوا استقالتوا
علي انها استراحة محارب
وبعد كدة يتنقل لي مكتب الوالي يتعين بدل الحرامية الاتحللوا ديل
والله الموفق..
سوداناس