استقبال الراعي الامين في السفارة السودانية ..والجالية تتبرع له بـ (200) ريال

الخرطوم ـ (السودانية ) استقبل وفد كبير من أعضاء الجالية السودانية أمام سفارة بلادهم في حي السفارات بالرياض الطيب يوسف الزين أحمد الراعي السوداني الذي نُشر عنه مقطع تم تداوله عبر مواقع التواصل الاجتماعي وفيه عرض عليه مبلغ من المال لبيع شاة من الغنم لكن في المقابل رفض ذلك مخافة لله وحفاظاً على الأمانة. وقال السفير السوداني :عبدالحافظ إبراهيم محمد: إن ما فعله الراعي ليس بمستغرب على أخلاق أي مسلم، وأن هذا الفعل نفخر به من الراعي وهذا ما يجسده في الشعب السوداني، وعلى الرغم من حاجته لكن إيمانه وخوفه من الله كان رادعاً بأن لا يخون الأمانة، وهذا ما يجب أن يتمسك به أي مسلم وأن كل شخص سيسأل عن ماله من أين اكتسبه وعن عمره في ما أفناه.

وأعلن أنه سيتم تكريم الراعي بمبلغ 200 ألف ريال من الجالية السودانية تقديراً لهذا الموقف النبيل خلال الأيام القادمة بحضور وزير الاستثمار السوداني. ووصف الراعي شعوره بأنه مبسوط 124 قيراط وسعيد جداً بتكريمه، وعندما سُئل عما سيفعله بالمكافأة رد سريعاً: سأحجج والداي وأسرتي وسأبني منزلا للعائلة. حضر اللقاء مصور المقطع الشهير الشيخ عادل عبدالعزيز المحلاوي، إمام وخطيب جامع الصائغ بمحافظة أملج، الذي قدم من هناك برفقة الطيب يوسف بالإضافة لعدد كبير من الجالية السودانية.
تواصل.
وامتلأت مواقع التواصل الاجتماعي بالكثير من التعليقات الساخرة التي عرف بها السودانيون ونقتطف منها :
__
بكرة بيختوا عليكم دمغة الراعي الامين يا مغتربين و السفارة عايزة تركب عودها في الجوائز . صدقني ديل ما يعملوا حاجة اﻻ فيها مصلحة ليهم .
الأمانة دي الا يصًوروا معاها بس ... لكن ما بقدروا عليها
___
محل مانلقاك يالراعي اخوي سارح في النت بنسرح معاك....

اخوي الراعي (المعلم).. اصبحت انت (سعادة سفير الشعب الحقيقي)واصبحت مشهور اكثر من سفير الحكومة..المفروض سفير الحكومة يجيك كداري في املج.. تدي كلمتين في الامانة والصدق (ضريبة) لناس السفارة.. الناس كلها اكتر من 5 مليون عرفت امانتك واسمك رباعي ..دا غير الونّسوهم بيك.... واسمك الرباعي اخوي الراعي..حلو.. اي اسم في معناه يحمل.. فال الخير.. الصدق والامانة...
********الطيب .....يوسف.......الزين..... .أحمد...******* لك الاحترام كله.
__
أقعدو لفلفو بيهو كده لمن يرفدو من شغلو

يا جماعة سيبو الراجل في حاله وبساطته الكان فيها

ليكن عنوان للبساطة والطيبة
___
...باقى حاجتين ,اولا مقابلة بان كى مون,وثانيا يترشح لنيل جائزة البشير للامانة والصدق وعدم الكضب ...
الطيب يوسف الزين أحمد فى سره ح يقول : الناس دى مالها..؟..اسع انا سويت شنو..؟..والله ما سويت اى حاجة..!!
...واحد اول مرة فى حياتو يدخل يصلى صلاة الجمعة ,وجاء متأخر ولقى الامام يخطب بصوت عالى وبغضب شديد,والناس كلها منكسة رووسها,وقال :الظاهر الناس ديل سولون مصيبتن وبليتن كبيرة خلاص..!!
..يالطيب انت اصبحت من نجوم المجتمع السودانى ,فلن ننساك ابدا.