• ×

ودالنصري باهت ولونو شاحب والرساله دي ليكم يا.....

عبد العزيز الننقة :

زيادة حجم الخط مسح إنقاص حجم الخط
 

الحلقة الاولي لبرنامج قناة الشروق مع النصري .. ظهر فيها الرجل مطفي البريق ، شاحب اللون ، يظهر عليه الإرهاق والتعب
والتعب والارهاق وتهيئة النجم للأداء وهو في كامل الالق دي مسئولية الناس القريبين من النجم ..
نحن كمعجبيت ومتابعين من بعيد يهمنا جداً ظهور زولنا نديان وشي وتريان صوت ..
يهمنا جداً يظهر لنا مرتاح
يمهنا جداً يكون لياقتو مكتمله
يمهنا جداً انو في التصوير وكواليس التصوير يكون مرتاح ، وبعد التصوير يمشي ينوم يرتاح ، واوقات الفراغ "نلملم كشاتينا وباقي ونساتنا ولحظات دايرين نكون قريبين منو" ونخليهوا ياخد راحتو .. ده في النهايه بشر ياجماعه ..
لا اريد ان اضرب المثل بحياة الحوت محمود عبد العزيز وكثيرين ربما ما كانوا يعرفون ما يدور في حياته الخاصة وقرب المعجبين والاصدقاء التي كانت كما وصفها زميل (لدرجة الخنقه) واظنكم تذكرون شحوبه وبهتان ظهوره منذ أغاني واغاني ذاك الذي ظهر فيه بصوره يُرثي لها (له الرحمه) .
الكلام ده ليكم انتو يالناس القريبين من النصري ..
الكلام ده مسئوليتكم انتو في المقام الاول
الكلام ده يهمكم يا خالد الباشا وخالد شقوري وخالد علي عبد الرحيم وبقية الشعراء القريبين ..
الكلام ده يمسك انت ياحمد عبد الوهاب وي أسامه همزه ويالعجيمي وكل المهتمين اللصيقين ..
انتو اصحاب المسئولية الاكبر يافلان وفلانه وفلان داك والاستاذه وبقية الشباب القريبين ..
الموضوع ده يالشركه الراعيه .. يهبشك في اللحم الحي مسئوليه ..
يا آرت ميديا ونسرين ومرتضي وبقية الشباب هناك ..
أصحوا


بواسطة : admin
 0  0  2419
التعليقات ( 0 )

جميع الأوقات بتوقيت جرينتش +4 ساعات. الوقت الآن هو 04:29 صباحًا الأربعاء 24 أبريل 2024.