خت التلاتا مع الصفر قفل كباريك بالحديد : شعر بلة على السعيدابي

الخرطوم/السودانية/ خت التلاتا مع الصفر
قفل كباريك بالحديد


ورقه و قلم
اكتب معاي
الشعب يفعل
ما يريد
اخترنا لي
درب النضال
من المبادئ
مابنحيد
خت التلاتة
مع الصفر
قفل كباريك
بالحديد
بنشيله نديها
البحر بعذيمة
الولد العنيد
ساعة نبين
الموت بخاف
عارفنا مشروع
لي شهيد
الفيهو روح
لو اصلو عاش
ح يبني. لي
الوطن الجديد

ورقه وقلم
واكتب معاي
بنموت عشانك
ياوطن
الداير يسوقك
للخراب ماظنو
ينجح ليهو ظن
فينا البموت
عشان هواك
فينا البشيل
حمل الف طن
نحن بنكون
ليك السند
صاحي الترس
لي الشر فطن
دارفور تعانق
لي الشرق
جنوب شمال
عربي ورطن
لا جنس
لا لون
لا عرق
جميعنا في
حبو انعطن

كلمات بله علي السعيدابي
نهر النيل الدامر شرار ونار