• ×

شقيق البشير المخلوع يُسجِّل اعترافاً قضائياً بامتلاكه عقارات وشركات

زيادة حجم الخط مسح إنقاص حجم الخط
السودانية/ الخرطوم/ أقَرّ عبد الله البشير شقيق الرئيس السابق المخلوع عمر البشير، بامتلاكه عقارات وشركات وأسماء أعمال، وسَجّلَ أمس اعترافاً قضائياً أمام قاضي مُخالفات الأراضي.

وأبلغت مصادر (الصيحة)، بأنّ شقيق البشير خُضع للتحري والتحقيق للمرة الثانية أمام وكيل نيابة مُخالفات الأراضي جمال زكريا تحت المادتين (6 و7) من قانون مكافحة الثراء الحرام والمال المشبوه لسنة 1989م.

وأرجعت السُّلطات عبد الله البشير إلى سجن كوبر الذي يقبع فيه منذ الإطاحة بالرئيس المخلوع البشير، ويُواجه عدة بلاغات تتعلّق بالفساد والثراء الحرام وتجاوُزات في الأراضي والعقارات، وأُخضِع للتحقيق في نيابة الفساد والتّحقيقات المالية، على خلفية تجاوُزات في الأراضي والعقارات، وأُجريت معه تحريات استمرّت ساعاتٍ.
[10:56, 23‏/1‏/2020] ودالجبل: نتفهم انو يطلع امام مسجد يقول الحكومة الانتقالية فاشلة وحا تسقط بدون ما يفكر في العواقب وبدون ما نناقشو حتى قيمتها كيف في شهور ولسه ما اتشكلت الحكومات الولائية والمجلس التشريعي.
نتأسف لحال ناشط يطلع لايف يقول كتمت كتمت سرقوكم استغبوكم دقسوكم ما سمعتو كلامي لما قلت ليكم وحذرتكم وكأننا شعب ريالته صابه بنقول معليش.
بنعذر زول ما كان عندو اهتمام بالشأن العام وما حاسي انو كونه ما تقوم طائرة حربية تحرق قريه بي اطفالها وشيبها وشبابها دي وقفت بي سبب الثورة في بلد قتلوا فيها اكتر من 300 الف ورئيسها الشايف سقوطه ما مؤثر مطلوب في جرائم حرب وابادة جماعية.
لكن حزب او تنظيم سياسي يقيم اداء حكومة قبل اكتمال هياكلها وبمعزل عن ظروف شبه الدولة الاتولدت فيها يجعلك تندهش كيف يسمي نفسه تنظيما؟
كيف تكون سياسي وانت ما عارف لو ما تم ايقاف القتل والتشريد ما حا تقدر تحاسب القتله لو ما تم تفكيك التمكين ما حا تقدر تحارب الفساد ولو ما اكتملت هياكل الحكم ما حا يبدا البناء الحقيقي.
ما جدوى السياسي اذا لم يسخر جهده ووقته وفكره للبناء والتقويم والنقد الموضوعي المصحوب بمقترحات بديلة افضل؟
السياسي البقعد يوصف للناس الحالة العايشنها بي خطب رنانه بدون يقدم حلول زي الدكتور البتمشي ليه تتعالج وما عنده حاجه في يده يساعدك بيها غير يقول ليك والله انت عيان عيا شديد خلاص.
دي بلدنا ما مشحودين عليها وما بنقيف بين بين نتحمل المسؤولية التاريخيه افراد وجماعات والبنعملو اليوم بنعكس على صغارنا الجايين لو كان خير او شر
الدول المشت خلتنا ونحن 30 سنه في كهف الكيزان الدول دي اتبنت بسواعد بنيها ما اتبنت بي خطابات الهلع والتخويف والتخوين والاحباط ، اتبنت بالامل والعزيمة والعمل.
بي شجاعة عبد العظيم .. وطيبة قلب محجوب.. ووعي استاذ احمد الخير .. وانسانية دكتور بابكر .. وصمود عباس فرح .. وتضحية محمد هاشم مطر .. وعزم كشه .. وفراسة النقيب حامد.. وقيم الصادق سمل .. وسواعد لجان المقاومة .. نحن جيل صدقات ونفير ومجددون وعديل المدارس وشارع الحوادث جيل المبادرات الوطنية وثورة ديسمبر السلمية، رفاق الشهداء حراس الحق والعدالة قدر الله لنا التضحية من اجل ان تستفيد اجيال غيرنا ونحن نستطيع بناء دولة الحريه والسلام والعدالة.


بواسطة : admin
 0  0  589
التعليقات ( 0 )

جميع الأوقات بتوقيت جرينتش +4 ساعات. الوقت الآن هو 03:44 صباحًا الجمعة 29 مارس 2024.