يا بتي كنا عايشين في السودان في أمان الله،زوجي إتوفي وخلي لي خير كتير وما جبت غير ولدين،لما كبرو قالو ما عايزين يعيشوا في السودان دايرين نمشي نعيش في امريكا بلد الحضارة والعلم والبحوث رفضت وقلت ليهم أحسن لينا بلدنا وسط أهلنا رفضوا قالوا لي لا إلا نسافر، بيعوني البيوت والدكاكين وسافرو واشترو بيت طابقين في امريكا واحد في الطابق الأرضي بي اولادو والتاني في الطابق الفوق بي اولادو ،قامو رسلو لي جيت امريكا بعد شوية كل واحد يقول للتاني امسك امي عندك وحتي النسوان كل واحدة تقول للتانية خليها تقعد عندك،لمن في النهاية ودوني بيت العجزة وانا من القهر والحزن ما اتحملت بلعت الحبوب قلت ما ح اعيش في الدنيا دي طالما اولادي جدعوني في بيت العجزة).المرأة التي جاءت تترجم كلام الحاجة السودانية قالت انها علي الفور اتصلت بإبنها العاق فجاء الي قسم الشرطةولد طويل عريض انطبق عليه المثل الطول طول النخلة والعقل عقل السخلة ) من الوهلة الأولي حين شاهد أمه قال لها عايزة تفضحينا ،أغاظني تصرفه فإنتحيت به جانباً وقدمت له درساً في الأخلاق وعقوق الوالدين ونتائجها عليه وان اولاده سيفعلون به نفس الشئ وان الله يمهل ولا يهمل وكما تدين تدان ..حنان النقر
(بتصرف)